ئۇيغۇرچە مۇقەددەس كىتاب جەمئىيىتى

(Ⱪisⱪiqə qüxəndürüx)

Bu hətning mu’əllipi dəl «Yuⱨanna bayan ⱪilƣan hux həwər», Yuⱨanna yazƣan ikkinqi wə üqinqi hətning mu’əllipi Yuⱨanna bolup, u Əysa Məsiⱨning əlqilirining biri idi.

Uning bu hətni yezixtiki məⱪsiti etiⱪadqilarni Əysa Məsiⱨkə baƣlinip, Hudaƣa yeⱪin yaxaxⱪa qaⱪirix bilən sahta təlimgə əgəxməslikkə agaⱨlanduruxtin ibarət.

Bu yərdə deyilgən sahta təlim xuningdin ibarətki: maddiy dunya rəzil; jismaniy tən bu maddiy dunyaƣa təwə bolƣaqⱪa, Əysa Məsiⱨning insan tenidə kelixigə bolmaydu, xundaⱪla insanlarning ⱪutⱪuzuluxⱪa erixixi maddiy dunyadiki ⱨayatⱪa baƣliⱪ bolmiƣaqⱪa, ⱪutⱪuzulƣanlarning əhlaⱪliⱪ boluxining wə meⱨir-muⱨəbbət kɵrsitixining zɵrüriyiti yoⱪ.

Mu’əllip bundaⱪ sahta təlimgə rəddiyə berix üqün, Əysa Məsiⱨning ⱨəⱪiⱪiy insan tenidə kəlgənlikini eniⱪ kɵrsitip berix bilən birgə, Əysa Məsiⱨkə etiⱪad ⱪilimən, Hudani sɵyimən, degüqilərning Hudaƣa boysunup yaxixi wə bir-birigə meⱨir-muⱨəbbət kɵrsitixi kerəklikini təkitligən.

Tezis:

1. Ⱨayatliⱪ kalami (1-bab 1-ayəttin 4-ayətkiqə)

2. Yoruⱪluⱪ wə ⱪarangƣuluⱪ (1-bab 5-ayəttin 2-babning ahiriƣiqə)

3. Hudaning pərzəntliri (3-bab)

4. Ⱨəⱪiⱪət wə yalƣanqiliⱪ (4-bab 1-ayəttin 6-ayətkiqə)

5. Meⱨir-muⱨəbbət kɵrsitix (4-bab 7-ayəttin 21-ayətkiqə)

6. Etiⱪad arⱪiliⱪ ƣəlibə ⱪilix (5-bab)