ئۇيغۇرچە مۇقەددەس كىتاب جەمئىيىتى

(Ⱪisⱪiqə qüxəndürüx)

Bu hətning mu’əllipi əlqi Pawlus bolup, u bu hətni ɵz oƣlidək bolup ⱪalƣan, yeⱪin hizmətdixi wə yardəmqisi Timotiyƣa yazƣan.

Timotiy Listraliⱪ (Listra xəⱨiri bügünki Türkiyidə) bolup, atisi Grek, anisi Əysa Məsiⱨkə etiⱪad ⱪilƣan Yəⱨudiy idi. U hux həwər tarⱪitix hizmitidə Pawlus bilən billə bolup, Əfəs wə Korint xəⱨərliri ⱨəm Makedoniyə ɵlkisigə barƣan. Yəⱨudiylar arisida hizmət ⱪilixta tosalƣuƣa uqrap ⱪalmasliⱪi üqün, Pawlus ⱨətta uning hətnisini ⱪildurƣan («Əlqilər» 16-bab 1-ayəttin 3-ayətkiqə). Timotiy gərqə əlqi ⱨesablanmisimu, etiⱪadqilar jama’ətqiliki üqün kɵp hizmətlərni ⱪilƣan ihlasmən etiⱪadqidur.

Pawlus bu həttə etiⱪadqilar jama’ətqilikidiki «maddiy dunyaning ɵzi rəzil, ⱨəⱪiⱪiy ⱪutⱪuzuluxⱪa pəⱪət alaⱨidə məhpiy təlim, xundaⱪla məlum yeməkliklərni yeməslik, toy ⱪilmasliⱪlarƣa əməl ⱪilix arⱪiliⱪ erixkili bolidu» degən sahta təlimlərgə rəddiyə berix bilən birgə Timotiyni bularning hata ikənlikini jama’ətqilikkə agaⱨlanduruxⱪa qaⱪirƣan.

Pawlus yənə etiⱪadqilar jama’ətqilikining baxlamqiliri wə hizmətqilirigə ⱪoyulƣan tələplər, jama’ətqilikning məs’uliyiti wə ibadət tərtipi ⱨəⱪⱪidə qüxəndürüx berip, Timotiyning Əysa Məsiⱨning sadiⱪ hizmətkari ⱨəmdə etiⱪadqilarƣa yahxi ülgə boluxi üqün nəsiⱨət ⱪilƣan.

Tezis:

1. Salam (1-bab 1-ayəttin 2-ayətkiqə)

2. Sahta təlim bərgüqilərdin ⱨoxyar bolux (1-bab 3-ayəttin 20-ayətkiqə)

3. Du’a ⱪilix wə ibadət tərtipi (2-bab)

4. Yetəkqi wə yardəmqilərgə ⱪoyulƣan tələplər (3-bab)

5. Timotiyning wə etiⱪadqilarning məs’uliyiti (4-babtin 6-babning ahiriƣiqə)