ئۇيغۇرچە مۇقەددەس كىتاب جەمئىيىتى

(Ⱪisⱪiqə qüxəndürüx)

Salonika xəⱨiri (bügünki Gretsiyidə) əyni waⱪittiki Rim imperiyisi ⱨɵkümranliⱪidiki Makedoniyə ɵlkisining mərkizi bolup, əlqi Pawlus Filipi xəⱨiridin ayrilƣandin keyin, u yərdə hux həwər tarⱪitix bilən u xəⱨərdiki etiⱪadqilar jama’ətqilikining asasini salƣan («Əlqilər» 17-bab 1-ayəttin 10-ayətkiqə). Biraⱪ, uzun ɵtməyla, Yəⱨudiylar Pawlusning Yəⱨudiy diniƣa ⱪiziⱪip kəlgən nurƣun Yəⱨudiy əməslərni Əysa Məsiⱨkə etiⱪad ⱪilixⱪa yetəkligənlikigə ⱨəsəthorluⱪ ⱪilƣan wə uningƣa ⱪarxi qiⱪⱪan. Buning bilən, u Salonikadin ayrilixⱪa məjbur bolƣan. Keyinqə Pawlus ɵzi əwətkən hizmətdixi Timotiy arⱪiliⱪ Salonikaliⱪlarning əⱨwalidin həwər tepip, bu hətni ularƣa yazƣan.

Mu’əllip bu hetidə ularning etiⱪadi, meⱨir-muⱨəbbiti wə ⱪilƣan hizmiti toƣrisida angliƣan yahxi həwərlərdin huxallanƣanliⱪini bildürüp, ularni Hudani hursən ⱪilix üqün tehimu tirixixⱪa ündigən ⱨəmdə ularning Əysa Məsiⱨning ⱪayta kelixi toƣrisidiki so’alliriƣa jawab bərgən.

Tezis:

1. Salam (1-bab 1-ayət)

2. Pawlusning Salonikaliⱪlar üqün Hudaƣa xükür eytixi (1-bab 2-ayəttin 10-ayətkiqə)

3. Pawlusning ular arisidiki hizmiti (2-bab 1-ayəttin 16-ayətkiqə)

4. Pawlusning ularƣa bolƣan seƣinixi wə ənsirixi (2-bab 17-ayəttin 3-babning ahiriƣiqə)

5. Ihlasmən boluxⱪa ündəx (4-bab 1-ayəttin 12-ayətkiqə)

6. Əysa Məsiⱨning ⱪayta kelixi (4-bab 13-ayəttin 5-bab 11-ayətkiqə)

7. Ahirⱪi təlim wə salamlar (5-bab 12-ayəttin 28-ayətkiqə)