(Ⱪisⱪiqə qüxəndürüx)
Bu hətning mu’əllipi əlqi Pawlustur. U bu hətni Rimdiki etiⱪadqilar jama’ətqilikini ziyarət ⱪilixⱪa təyyarliⱪ ⱪilix yüzisidin yazƣan. Bu, Pawlusning ɵzi tarⱪitiwatⱪan hux həwərni əng təpsiliy qüxəndürgən bir hetidur. Uningda Əysa Məsiⱨkə bolƣan etiⱪad, xundaⱪla bu etiⱪadning etiⱪadqilar əməliyitidə ⱪandaⱪ ipadilinixi təswirləngən.
Pawlus bu hetidə pütkül insanlarning gunaⱨkar ikənliki, ⱪutⱪuzuluxⱪa moⱨtajliⱪi, pəⱪət Əysa Məsiⱨkə etiⱪad ⱪilix arⱪiliⱪla ⱪutⱪuzulidiƣanliⱪi wə Əysa Məsiⱨkə baƣlinix bilənla Hudaƣa yeⱪinlixalaydiƣanliⱪi, etiⱪadqilarning ⱪəlbidiki Muⱪəddəs Roⱨ ularƣa küq-ⱪudrət beridiƣanliⱪi, ularning etiⱪadqilarƣa layiⱪ yaxixi wə baxⱪilarƣa meⱨir-muⱨəbbət kɵrsitixi kerəklikini nuⱪtiliⱪ təkitligən.
Mu’əllip Yəⱨudiylarning Əysa Məsiⱨni rət ⱪilƣanliⱪi bilən Yəⱨudiy əməslərning Əysa Məsiⱨkə etiⱪad ⱪilixining Hudaning insanlarni ⱪutⱪuzux pilaniƣa mas kəlgənlikini otturiƣa ⱪoyux bilən birgə waⱪit-sa’iti kəlgəndə Yəⱨudiylarningmu ⱪutⱪuzulidiƣanliⱪini qüxəndürgən.
Tezis:
1. Du’ayisalam (1-bab 1-ayəttin 17-ayətkiqə)
2. Insanlarning gunaⱨkar təbi’iti (1-bab 18-ayəttin 3-bab 20-ayətkiqə)
3. Hudaning insanlarni ⱪutⱪuzux yoli (3-bab 21-ayəttin 4-babning ahiriƣiqə)
4. Etiⱪadqilarning Əysa Məsiⱨkə baƣlanƣan yengi ⱨayati (5-babtin 8-babⱪiqə)
5. Yəⱨudiylar wə Hudaning insanlarni ⱪutⱪuzux pilani (9-babtin 11-babⱪiqə)
6. Etiⱪadqilarning Hudaƣa atilip yaxixi (12-babtin 15-bab 13-ayətkiqə)
7. Ahirⱪi sɵzlər (15-bab 14-ayəttin 16-babning ahiriƣiqə)