(Ⱪisⱪiqə qüxəndürüx)
Mu’əllip hetidə ɵz ismining Yaⱪup ikənlikini tilƣa alƣan. U Yerusalemdiki etiⱪadqilar jama’ətqilikining yetəkqisi («Əlqilər» 15-bab 1-ayəttin 21-ayətkiqə), Əysa Məsiⱨning inisi Yaⱪup dəp ⱪarilip kəlgən. Əysa Məsiⱨ ɵlümdin tirilixtin burun, Yaⱪup uningƣa ixənmigən ⱨəm uning hizmitini ⱪollimiƣan. Keyin, u Əysa Məsiⱨkə etiⱪad ⱪilip, Yerusalemdiki etiⱪadqilar jama’ətqilikining tüwrüki bolup ⱪalƣan.
Mu’əllip bu hətni ⱨeqkimning ɵz etiⱪadini əməliyitidə ipadilixining ⱨajiti yoⱪ, dəydiƣan hata kɵzⱪaraxni tüzitip berix wə etiⱪadqilarƣa ⱪandaⱪ yaxax kerəklikini kɵrsitix məⱪsitidə yezip qiⱪⱪan. U məƣrurlinix, kəmsitix, aqkɵzlük, nəpsaniyətqilik, sahtipəzlik wə tɵⱨməthorluⱪ ⱨəⱪⱪidə mulaⱨizə yürgüzgən. Mu’əllip ⱨəⱪiⱪiy etiⱪadning kixilərning əməliyitidə ispatlinidiƣanliⱪini birnəqqə misal bilən qüxəndürgən wə buni mewə dərihining pəⱪət ɵzigə has mewə beridiƣanliⱪi bilən selixturƣan. Ⱪisⱪisi, u bu həttə etiⱪadⱪa yarixa yaxax kerəklikini təkitligən.
Tezis:
1. Sinilix wə azdurulux (1-bab 1-ayəttin 18-ayətkiqə)
2. Anglax wə ijra ⱪilix (1-bab 19-ayəttin 27-ayətkiqə)
3. Ayrimiqiliⱪ ⱪilmasliⱪ (2-bab 1-ayəttin 13-ayətkiqə)
4. Etiⱪad wə əməliyət (2-bab 14-ayəttin 26-ayətkiqə)
5. Tilni tizginləx (3-bab)
6. Bu dunyada yaxax (4-bab 1-ayəttin 5-bab 6-ayətkiqə)
7. Səwrqan bolux wə du’a ⱪilix (5-bab 7-ayəttin 20-ayətkiqə)