(Ⱪisⱪiqə qüxəndürüx)
«Habaⱪuⱪ» miladiyədin burunⱪi 7-əsirning ahirida Babil ⱨɵkümranliⱪi dəwridə yezilƣan. «Habaⱪuⱪ»ning birinqi wə ikkinqi bablirida Huda bilən Habaⱪuⱪ pəyƣəmbər otturisidiki sɵⱨbət bayan ⱪilinƣan. U qaƣlarda Yəⱨudiyədə ⱪanunsizliⱪ wə qiriklik əwj alƣanidi, xunga Habaⱪuⱪ pəyƣəmbər adalətsizlik wə jinayətkə tolƣan Yəⱨudiyə üstidin Hudaƣa xikayət ⱪilƣan. Xu qaƣda Huda Habaⱪuⱪ pəyƣəmbərgə Yəⱨuda həlⱪini Babilliⱪlar arⱪiliⱪ jazalaydiƣanliⱪini eytⱪan. Hudaning uningƣa bərgən bu jawabi Habaⱪuⱪ pəyƣəmbərni ⱪattiⱪ ⱨəyranliⱪta ⱪaldurƣan. Qünki Yəⱨuda həlⱪidin nəqqə ⱨəssə artuⱪ gunaⱨkar bolƣan Babilliⱪlarni Hudaning Yəⱨudiyə həlⱪini jazalax wasitisi ⱪilixini Habaⱪuⱪ pəyƣəmbər ⱨeq qüxinəlmigən wə bundaⱪ ⱪilixni u adalətsizlik, dəp ⱨes ⱪilƣan. Waⱨalənki, yaratⱪuqi Huda Habaⱪuⱪ pəyƣəmbərgə, ɵzining Babilliⱪlarning ⱨakawurluⱪiƣa ƣəzəplinidiƣanliⱪini, xundaⱪla ularnimu ahiri jazalaydiƣanliⱪini eytⱪan. Habaⱪuⱪ pəyƣəmbər Hudaning ɵz həlⱪigə azab-oⱪubətlərgə bərdaxliⱪ berələydiƣan küq-ⱪudrət beridiƣanliⱪiƣa wə ularni ⱪutⱪuzidiƣanliⱪiƣa ixəngən.
Ahirⱪi babta, Habaⱪuⱪ pəyƣəmbərning du’aliri, Pərwərdigarning ⱪudriti wə uluƣluⱪiƣa eytⱪan ⱨəmdusanaliri bayan ⱪilinƣan.
Tezis:
1. Habaⱪuⱪ pəyƣəmbərning xikayiti wə Pərwərdigarning jawabi (1-bab 1-ayəttin 2-bab 1-ayətkiqə)
2. Rəzillərgə kelidiƣan jaza (2-bab 2-ayəttin 20-ayətkiqə)
3. Habaⱪuⱪ pəyƣəmbərning du’asi (3-bab)