(Ⱪisⱪiqə qüxəndürüx)
Əyni waⱪitta, Rim ⱨɵkümranlirining zorluⱪ-zombuluⱪi astida etiⱪadqilar Əysa Məsiⱨkə etiⱪad ⱪilƣanliⱪi üqün, xiddətlik ziyankəxlikkə uqrap, ⱨətta bəzi etiⱪadqilar ɵltürülgənidi. Bu kitabning mu’əllipi bolƣan Yuⱨannamu Hudaning hux həwirini yətküzgənliki üqün, Patmos ariliƣa sürgün ⱪilinƣan. Dəl muxu waⱪitta, Yuⱨannaƣa Hudadin wəⱨiylər kelip, Yuⱨanna Hudaning əmri boyiqə ularni yəttə etiⱪadqilar jama’əuqilikigə (ularning ⱨəmmisi bügünki Türkiyidə) yezip ⱪaldurƣan.
Bu kitabtiki hatiriləngən wəⱨiylər kəlgüsidə bolidiƣan ixlarni, bolupmu Hudaning jazasini (insanlar duq kelidiƣan ⱨər hil balayi’apətlərni wə japa-muxəⱪⱪətlərni) kɵrsitidu. Bu wəⱨiylərning simwolluⱪ tilda ipadiləngən kɵp ⱪisimliri bəlkim əyni qaƣdiki etiⱪadqilarƣa qüxinixlik bolsimu, lekin bügünki kitabhanlarƣa sir bolup ⱪalƣan. Əmma kitabning mərkiziy idiyisi intayin eniⱪ bolup, Hudaning Rəbbimiz Əysa Məsiⱨ arⱪiliⱪ Xəytanni ɵz iqigə alƣan barliⱪ düxmənliri üstidin ahiri ƣəlibə ⱪilip, ɵzining sadiⱪ həlⱪigə yengi asman, yengi zemin ata ⱪilixidin ibarəttur.
Tezis:
1. Muⱪəddimə (1-bab 1-ayəttin 8-ayətkiqə)
2. Dəsləpki alamətlər (1-bab 9-ayəttin 20-ayətkiqə)
3. Etiⱪadqilar jama’ətqiliklirigə yezilƣan yəttə parqə hət (2-, 3-bablar)
4. Yəttə mɵⱨür bilən peqətləngən oram yazma (4-bab 1-ayəttin 8-bab 1-ayətkiqə)
5. Yəttə kanay (8-bab 2-ayəttin 11-babning ahiriƣiqə)
6. Yəttə baxliⱪ əjdiⱨa wə ikki diwə (12-, 13-bablar)
7. Kɵrüngən baxⱪa alamətlər (14-, 15-bablar)
8. Yəttə qinə (16-bab)
9. Babil, sahta pəyƣəmbər, diwə wə Iblisning tartⱪan jazasi (17-bab 1-ayəttin 20-bab 10-ayətkiqə)
10. Ahirⱪi ⱨɵküm (20-bab 11-ayəttin 15-ayətkiqə)
11. Yengi asman, yengi zemin (21-bab 1-ayəttin 22-bab 5-ayətkiqə)
12. Hatimə (22-bab 6-ayəttin 21-ayətkiqə)