ئۇيغۇرچە مۇقەددەس كىتاب جەمئىيىتى

(Ⱪisⱪiqə qüxəndürüx)

Bu hətning mu’əllipi əlqi Pawlus bolup, u yax hizmətdixi wə yardəmqisi Timotiyƣa ɵz nəsiⱨətlirini ⱪaldurux üqün bu hətni yazƣan. U bu hətni yazƣan qaƣda kixənlinip, soƣuⱪ kamerƣa solinip, ɵzining hizmitining ayaƣlixix aldida turuwatⱪanliⱪini, ⱨayatiningmu uzunƣa barmaydiƣanliⱪini qongⱪur ⱨes ⱪilƣan.

Bu hətning asasiy temisi səwr-taⱪət toƣruluⱪ bolup, Pawlus Timotiyni ⱨeqⱪandaⱪ ⱪiyinqiliⱪtin ⱪorⱪmay, Əysa Məsiⱨkə baxtin ahir sadiⱪliⱪ bilən guwaⱨliⱪ berixkə, Əysa Məsiⱨ ⱨəⱪⱪidiki hux həwərning ⱨəⱪiⱪitidə wə muⱪəddəs yazmilardiki təlimlərdə qing turuxⱪa, jama’ətqiliktiki məs’uliyitini ada ⱪilixⱪa qaⱪirƣan.

Pawlus Timotiyƣa əhmiⱪanə wə biⱨudə talax-tartixlarƣa arilixixtin saⱪlinixni əskərtkən. Pawlus ɵz ⱨayati, səwr-taⱪiti, meⱨir-muⱨəbbiti ⱨəmdə basturuluxⱪa uqriƣandiki ⱪiyinqiliⱪⱪa taⱪət ⱪilixini, bolupmu ɵzidiki etiⱪadni tilƣa elix bilən Timotiyƣa ülgə boluxni ümid ⱪilƣan.

Tezis:

1. Salam (1-bab 1-ayəttin 2-ayətkiqə)

2. Xükür wə mədət (1-bab 3-ayəttin 18-ayətkiqə)

3. Nəsiⱨət wə agaⱨlandurux (2-bab 1-ayəttin 4-bab 5-ayətkiqə)

4. Pawlusning əⱨwali (4-bab 6-ayəttin 18-ayətkiqə)

5. Ahirⱪi salam (4-bab 19-ayəttin 22-ayətkiqə)