ئۇيغۇرچە مۇقەددەس كىتاب جەمئىيىتى

(Ⱪisⱪiqə qüxəndürüx)

Bu hət Əysa Məsiⱨning əlqilirining biri bolƣan Petrus təripidin yezilƣan.

Miladiyə birinqi əsirdə, nurƣun etiⱪadqilarƣa nisbətən eytⱪanda, Əysa Məsiⱨkə etiⱪad ⱪilix ziyankəxlikkə uqrax degənlik idi. Xunga, Petrus ziyankəxlikkə uqriƣan etiⱪadqilarƣa təsəlli berix wə ularni ilⱨamlandurux üqün, bu hətni yazƣan.

Petrus hetidə Əysa Məsiⱨning ɵlümi, ɵlümdin tirilixi ⱨəmdə bu tirilix elip kelidiƣan ümidning ⱪanqilik bibaⱨa ikənlikini etiⱪadqilarƣa xərⱨləp ɵtkən. U Əysa Məsiⱨningmu ziyankəxlikkə uqriƣanliⱪini təkitləx arⱪiliⱪ etiⱪadqilarƣa təsəlli bərgən wə ularni tehimu kɵp ziyankəxlikkə uqrax eⱨtimalliⱪiƣa təyyar turuxⱪa qaⱪirƣan. Mu’əllip bu hil sinaⱪta ularning etiⱪadining tawlinip, pixip yetilidiƣanliⱪini təkitligən. U yənə etiⱪadqilarni etiⱪadsizlar arisida Hudaning muⱪəddəs həlⱪigə layiⱪ yaxax arⱪiliⱪ Əysa Məsiⱨkə guwaⱨliⱪ berixkə qaⱪirƣan.

Tezis:

1. Salam (1-bab 1-ayəttin 2-ayətkiqə)

2. Ⱨayatliⱪ ümidi (1-bab 3-ayəttin 12-ayətkiqə)

3. Pak yaxax kerək (1-bab 13-ayəttin 2-bab 10-ayətkiqə)

4. Etiⱪadqilarning məs’uliyiti (2-bab 11-ayəttin 4-babning ahiriƣiqə)

5. Yetəkqilər wə yaxlarƣa nəsiⱨət (5-bab 1-ayəttin 11-ayətkiqə)

6. Ahirⱪi salam (5-bab 12-ayəttin 14-ayətkiqə)