ئۇيغۇرچە مۇقەددەس كىتاب جەمئىيىتى

(Ⱪisⱪiqə qüxəndürüx)

Bu kitabning mu’əllipi Markustur. Gərqə Markus ⱨəzriti Əysaning on ikki xagirtining biri bolmisimu, əmma uning məzkur kitabi ⱨəzriti Əysaning xagirti Petrusning təlimlirigə asaslinip yezilƣan.

Hux həwər bayan ⱪilƣan baxⱪa mu’əlliplər ⱨəzriti Əysaning Rəbbimiz ikənlikini kɵprək təkitləp ɵtkən bolsa, Markus ⱨəzriti Əysaning yənə bir təripi, yəni insanlarning hizmətkari ikənlikini kɵprək təkitligən. Markus kitabida ⱨəzriti Əysaning təlimi toƣrisida kɵp tohtalmiƣan bolup, uning hatiriliri ⱨəzriti Əysaning əməliy pa’aliyətlirini asas ⱪilƣan. Kitabning mərkiziy idiyisi ⱨəzriti Əysaning Insan’oƣli baxⱪilarni ɵzigə hizmət ⱪildurƣili əməs, baxⱪilarƣa hizmət ⱪilƣili wə jenini pida ⱪilix bədiligə nurƣun adəmlərni gunaⱨtin azad ⱪilƣili kəlgən, degəndin ibarət muⱨim təlimigə mujəssəmləxkən.

Markusning bu kitabi asasən Yəⱨudiy əməs kitabhanlarƣa ⱪaritilƣan bolƣaqⱪa, uningda Yəⱨudiylarning yosun-ⱪa’idiliri qüxəndürülgən.

Tezis:

1. Yəⱨya pəyƣəmbərning ⱨəzriti Əysaning yolini təyyarlixi (1-bab 1-ayəttin 8-ayətkiqə)

2. Ⱨəzriti Əysaning qɵmüldürülüxi wə sinilixi (1-bab 9-ayəttin 13-ayətkiqə)

3. Ⱨəzriti Əysaning Jəliliyidiki hizmiti (1-bab 14-ayəttin 9-babning ahiriƣiqə)

4. Ⱨəzriti Əysaning Yerusalemƣa səpiri (10-bab)

5. Ⱨəzriti Əysaning bu dunyadiki ⱨayatining ahirⱪi ⱨəptisi (11-babtin 15-babⱪiqə)

6. Ⱨəzriti Əysaning tirilixi wə xagirtliriƣa kɵrünüxi (16-bab)