(Ⱪisⱪiqə qüxəndürüx)
Bu kitabning mu’əllipi Yəⱨudiy millitidin bolmiƣan dohtur Luⱪadur. U ɵz kitabini ⱨəzriti Əysaning ⱨayatining guwaⱨqiliri bolƣan kixilərning ɵz kɵzi bilən kɵrgənlirini asas ⱪilip yezip qiⱪⱪan.
Luⱪa bu kitabta ⱨəzriti Əysaning Isra’illarƣa wədə ⱪilinƣan ⱪutⱪuzƣuqi bolupla ⱪalmay, bəlki pütkül insanlarning ⱪutⱪuzƣuqisi ikənlikini sürətləp berip, uning tuƣuluxidin taki asmanƣa kɵtürülüxigiqə bolƣan wəⱪələrni təpsiliy bayan ⱪilƣan.
Bu kitabta Hudaning insanlarni ⱪutⱪuzux pilanining Yəⱨudiylar wə Yəⱨudiy əməslərni ɵz iqigə alidiƣanliⱪi, hux həwər elip kelidiƣan bəht, du’a ⱪilixning muⱨimliⱪi, ⱨəzriti Əysaning ⱨər hil ⱨajətmənlərgə, bolupmu xu waⱪitlarda tɵwən orunda turidiƣan ayallar, namratlar wə «gunaⱨkarlar»ƣa kɵngül bɵlgənliki wə Muⱪəddəs Roⱨning əwətilixi nuⱪtiliⱪ təkitləngən.
Tezis:
1. Ⱨəzriti Əysaning dunyaƣa kelixi wə baliliⱪ qaƣliri (1-, 2-bablar)
2. Ⱨəzriti Əysaning qɵmüldürülüxi wə sinilixi (3-babtin 4-bab 13-ayətkiqə)
3. Ⱨəzriti Əysaning Jəliliyidiki hizmiti (4-bab 14-ayəttin 9-bab 50-ayətkiqə)
4. Ⱨəzriti Əysaning Yerusalemƣa səpiri (9-bab 51-ayəttin 19-bab 27-ayətkiqə)
5. Ⱨəzriti Əysaning Yerusalemdiki hizmiti (19-bab 28-ayəttin 21-bab 4-ayətkiqə)
6. Ⱨəzriti Əysaning kəlgüsidiki ixlarni aldin eytixi (21-bab 5-ayəttin 38-ayətkiqə)
7. Ⱨəzriti Əysaning ɵltürülüxi wə tirilixi (22-babtin 24-babⱪiqə)