ئۇيغۇرچە مۇقەددەس كىتاب جەمئىيىتى

(Ⱪisⱪiqə qüxəndürüx)

Əlqi Pawlus bu hətni Korinttiki etiⱪadqilar jama’ətqiliki bilən kəskin munasiwəttə bolƣan, yəni Korinttiki bəzi etiⱪadqilar Pawlusⱪa ⱨər tərəptin ⱨujum ⱪilƣan qaƣda yazƣan. Pawlusning ularning jama’ətqilikigə berix pilanini ɵzgərtkənlikidin, bəzi etiⱪadqilar uningdin aƣrinip, uni turaⱪsiz, ixənqlik əməs desə, az bir ⱪisim etiⱪadqilar uni əlqi əməs, dəp ⱨaⱪarətligən, ⱨətta uningƣa i’anə topliƣan pulƣa hiyanət ⱪilƣan, degən tɵⱨmətni qapliƣan.

Xunga, Pawlus uxbu hətning aldinⱪi bablirida ɵzining Korinttiki etiⱪadqilar jama’ətqiliki bilən bolƣan munasiwitini təⱨlil ⱪilip, ɵzining nemixⱪa etiⱪadqilar jama’ətqilikidə ɵzigə ⱪarxi turƣan adəmlərgə ⱪattiⱪ mu’amilə ⱪilƣanliⱪini qüxəndürgən wə bu hil ⱪattiⱪ pozitsiyidə boluxning ularƣa puxayman wə yarixix elip kəlgənlikidin huxal bolƣanliⱪini bildürgən. Keyinki bablirida, Pawlus bu jama’ətqilikning Yəⱨudiyə ɵlkisidiki kəmbəƣəl etiⱪadqilarƣa yardəm ⱪilix üqün baxliƣan i’anə toplax ixining ahirini qiⱪirixini soriƣan ⱨəmdə ɵzining əlqilik ⱨoⱪuⱪini yaⱪliƣan.

Tezis:

1. Du’ayisalam (1-bab 1-ayəttin 11-ayətkiqə)

2. Pawlus wə Korinttiki etiⱪadqilar jama’ətqiliki (1-bab 12-ayəttin 7-babning ahiriƣiqə)

3. Yəⱨudiyidiki etiⱪadqilar üqün i’anə toplax (8-, 9-bablar)

4. Pawlusning ɵzining əlqilik ⱨoⱪuⱪini yaⱪlixi (10-babtin 13-bab 10-ayətkiqə)

5. Ahirⱪi tiləklər (13-bab 11-ayəttin 13-ayətkiqə)