(Ⱪisⱪiqə qüxəndürüx)
Bu hətning mu’əllipi əlqi Pawlustur. U Korint xəⱨiridiki etiⱪadqilar jama’ətqilikidə yüz bərgən turmux wə etiⱪadⱪa munasiwətlik məsililərni ⱨəl ⱪilix üqün bu hətni yazƣan. Pawlus ikkinqi ⱪetimliⱪ hizmət səpiridə Korint xəⱨirigə berip, bu yərdə hux həwər tarⱪitix wə təlim berix üqün bir yerim yil turƣan («Əlqilər» 18-bab 1-ayəttin 18-ayətkiqə).
Əyni waⱪitta Korint xəⱨiri (bügünki Gretsiyidə) Rim imperiyisigə təwə Yunan ɵlkisining mərkizi bolup, soda-sana’ət, mədəniyət tərəⱪⱪiy ⱪilƣan, xuning bilən birgə əhlaⱪsizliⱪ əwj alƣan wə hilmuhil diniy tüs ⱪapliƣan xəⱨər idi. Xu səwəbtin, bəzi etiⱪadqilar məlum dərijidə bu xəⱨərning təsirigə uqriƣan bolup, ularning arisida jinsiy əhlaⱪsizliⱪ wə baxⱪa ⱪalaymiⱪanqiliⱪlarmu kɵrülgən. Ular nikaⱨ məsilisi wə butⱪa atap nəzir ⱪilinƣan gɵxni yeyix yaki yeməslik məsililirini otturiƣa ⱪoyƣan ⱨəmdə Pawlustin Muⱪəddəs Roⱨ ata ⱪilƣan ⱨədiyilər wə ɵlümdin tirilix toƣruluⱪ so’allarni soriƣan.
Pawlus Muⱪəddəs Roⱨning ilⱨami bilən bu hetidə ularƣa Əysa Məsiⱨ toƣrisidiki hux həwərning bu məsililərgə ⱪandaⱪ jawab beridiƣanliⱪini kɵrsətkən.
Tezis:
1. Du’ayisalam (1-bab 1-ayəttin 9-ayətkiqə)
2. Etiⱪadqilar jama’ətqiliki iqidiki bɵlünüxlər (1-bab 10-ayəttin 4-babning ahiriƣiqə)
3. Əhlaⱪsizliⱪ wə dəwalar (5-, 6-bablar)
4. Nikaⱨ məsililiri (7-bab)
5. Etiⱪadqilarning turmuxi wə ibaditi (8-babtin 14-babⱪiqə)
6. Əysa Məsiⱨning tirilixi wə ɵlgənlərning tirilixi (15-bab)
7. Yəⱨudiyidiki etiⱪadqilar üqün i’anə toplax (16-bab 1-ayəttin 4-ayətkiqə)
8. Ahirⱪi sɵzlər (16-bab 5-ayəttin 24-ayətkiqə)