ئۇيغۇرچە مۇقەددەس كىتاب جەمئىيىتى

(Ⱪisⱪiqə qüxəndürüx)

Bu, əlqi Pawlusning Əfəs xəⱨirining xərⱪigə jaylaxⱪan kiqik bir xəⱨər Kolosidiki etiⱪadqilar jama’ətqilikigə yazƣan hetidur. Gərqə Pawlus bu yərdiki etiⱪadqilar jama’ətqilikini ɵzi ⱪurup qiⱪmiƣan bolsimu, əmma u burun Əfəs xəⱨiridin u yərgə hizmətqilərni əwətkən bolƣaqⱪa, bu jama’ətqilikkə nisbətən qong məs’uliyitining barliⱪini ⱨes ⱪilƣan. Xunga bu jama’ətqiliktə sahta təlim bərgüqilərning pəyda bolƣanliⱪini anglap, bu hətni ularƣa yazƣan.

Sahta təlim bərgüqilər roⱨiy küqlər dunyasidiki ⱨɵkümranlar wə ⱨoⱪuⱪdarlarning təsiridin toⱪup qiⱪⱪan təlimlərni tərƣib ⱪilƣan. Ular yənə hətnə ⱪilixⱪa ohxax alaⱨidə ɵrp-adətlərgə, xundaⱪla yemək-iqmək wə baxⱪa tərəplərdiki bir ⱪisim ⱪa’idilərgə ri’ayə ⱪilixta ⱪattiⱪ turƣan.

Pawlus bu həttə Əysa Məsiⱨni naⱨayiti təpsiliy, eniⱪ qüxəndürüx bilən Əysa Məsiⱨning ⱨəmmidin üstün turidiƣanliⱪini, toluⱪ ⱪutⱪuzuluxⱪa pəⱪətla u arⱪiliⱪ erixkili bolidiƣanliⱪini, etiⱪadqilar uningƣa baƣlinip, uning mukəmməllikidin toluⱪlinip turƣaqⱪa ularning bundaⱪ ⱪa’idilərgə moⱨtaj əməslikini kɵrsitip, bu hil təlimlərni aƣdurup taxliƣan. Pawlus yənə bu ⱨəⱪiⱪiy təlimning etiⱪadqilarning ⱨayatidiki əⱨmiyitini qüxəndürüp ɵtkən.

Tezis:

1. Du’ayisalam (1-bab 1-ayəttin 14-ayətkiqə)

2. Əysa Məsiⱨning üstünlüki wə hizmiti (1-bab 15-ayəttin 2-bab 19-ayətkiqə)

3. Əysa Məsiⱨkə baƣlanƣan yengi ⱨayat (2-bab 20-ayəttin 4-bab 6-ayətkiqə)

4. Ahirⱪi salam (4-bab 7-ayəttin 18-ayətkiqə)