(Ⱪisⱪiqə qüxəndürüx)
Bu həttə mu’əllip ɵzi ⱨəⱪⱪidə ⱨeqⱪandaⱪ məlumat bərmigən. Biraⱪ, həttiki hatirilərdin uning Təwrat ⱪanunini yahxi bilidiƣan Yəⱨudiy, ⱨəm etiⱪadqilar jama’ətqiliki iqidə nopuzluⱪ ikənlikini biliwalƣili bolidu.
Mu’əllip uxbu hətni Əysa Məsiⱨkə etiⱪad ⱪilƣan Yəⱨudiylarning arisidiki bəzilərning Əysa Məsiⱨkə bolƣan etiⱪadidin boxixip, Yəⱨudiy diniy etiⱪadiƣa ⱪaytix aldida turuwatⱪanliⱪini kɵzdə tutup, ularni Əysa Məsiⱨkə bolƣan etiⱪadta ahirƣiqə qing turuxⱪa ilⱨamlandurux üqün yazƣan.
Mu’əllip hetidə Əysa Məsiⱨning pərixtilər, burunⱪi pəyƣəmbərlər wə roⱨaniylarning ⱨəmmisidin üstün ikənlikini kɵrsitip bərgən. U Əysa Məsiⱨning Huda təripidin təyinləngən mənggülük bax roⱨaniy ikənlikini ⱨəmdə bax roⱨaniy süpiti bilən ɵzini ⱪurban ⱪilix arⱪiliⱪ insanlarning gunaⱨlirini yuyup, ularni mənggügə ⱪutⱪuzidiƣan bir ⱪetimliⱪ ⱪurbanliⱪ bərgənlikini təkitligən. Mu’əllip yənə kona əⱨdə boyiqə ⱪilinƣan ⱪurbanliⱪlarning Əysa Məsiⱨning ⱪurbanliⱪining kɵlənggisi bolƣaqⱪa etiⱪadqilarning gunaⱨlar üqün dawamliⱪ ⱪurbanliⱪ ⱪilixning ⱨeqⱪandaⱪ əⱨmiyiti ⱪalmiƣanliⱪini təkitləp, ularning yengi əⱨdining wasitiqisi bolƣan Əysa Məsiⱨkə etiⱪad ⱪilix yolini taxlax bilən ⱨərgizmu ⱪutⱪuzulalmaydiƣanliⱪini agaⱨlandurƣan. Mu’əllip ahirida ularƣa Hudani hursən ⱪilidiƣan ⱨayat kəqürüx ⱨəⱪⱪidə yolyoruⱪ bərgən.
Tezis:
1. Əysa Məsiⱨning pərixtilərdin üstünlüki (1-, 2-bablar)
2. Əysa Məsiⱨning Musa wə Yoxuwadin üstünlüki (3-babtin 4-bab 13-ayətkiqə)
3. Əysa Məsiⱨning bax roⱨaniyliⱪining üstünlüki (4-bab 14-ayəttin 7-babning ahiriƣiqə)
4. Yengi əⱨdining üstünlüki (8-, 9-bablar)
5. Əysa Məsiⱨning ⱪurbanliⱪining üstünlüki (10-bab)
6. Etiⱪadning muⱨimliⱪi (11-, 12-bablar)
7. Hudani hursən ⱪilix (13-bab 1-ayəttin 19-ayətkiqə)
8. Tilək wə ahirⱪi sɵzlər (13-bab 20-ayəttin 25-ayətkiqə)