ئۇيغۇرچە مۇقەددەس كىتاب جەمئىيىتى

(Ⱪisⱪiqə qüxəndürüx)

Bu hətning mu’əllipi əlqi Pawlus bolup, u bu hətni türmidiki waⱪtida Filipi xəⱨiridiki (bügünki Gretsiyidə) etiⱪadqilar jama’ətqilikigə yazƣan. Pawlus ikkinqi ⱪetimliⱪ hizmət səpiridə Filipi xəⱨirigə berip, hux həwər tarⱪitix bilən bu yərdə etiⱪadqilar jama’ətqilikining asasini salƣan («Əlqilər» 16-bab 12-ayəttin 40-ayətkiqə).

Filipiliklər Pawlusning xu qaƣdiki əⱨwalini angliƣandin keyin, uningƣa sowƣa-salamlar əwətkən. Pawlus buningƣa rəⱨmət eytix yüzisidin uxbu hətni yazƣan. U hetidə ɵzining əⱨwalidin ularni həwərdar ⱪilix bilən ularni ziyankəxlikkə uqriƣan məzgilliridimu etiⱪadida qing turuxⱪa, ⱨərⱪandaⱪ xara’itta huxal-huram yaxaxⱪa qaⱪirƣan. U yənə etiⱪadqilarni ittipaⱪ wə kəmtər boluxⱪa, sahta əlqilərdin ⱨəzər əyləxkə ündigən. Bu həttə Pawlusning Filipiliklərgə bolƣan qongⱪur meⱨir-muⱨəbbiti əks əttürülgən.

Türmidə turup yazƣan bu hetidə Pawlus huxal-huram boluxni kɵp ⱪetim tilƣa alƣanliⱪidin, bu hət «huxal-huramliⱪ heti» dəp tonulƣan.

Tezis:

1. Du’ayisalam (1-bab 1-ayəttin 11-ayətkiqə)

2. Pawlusning türmidiki əⱨwali (1-bab 12-ayəttin 26-ayətkiqə)

3. Əysa Məsiⱨkə baƣlanƣan ⱨayat (1-bab 27-ayəttin 2-bab 18-ayətkiqə)

4. Timotiy wə Epafrodit toƣrisidiki pilan (2-bab 19-ayəttin 30-ayətkiqə)

5. Nəsiⱨət wə agaⱨlandurux (3-bab 1-ayəttin 4-bab 9-ayətkiqə)

6. Təxəkkür wə ahirⱪi salam (4-bab 10-ayəttin 23-ayətkiqə)