ئۇيغۇرچە مۇقەددەس كىتاب جەمئىيىتى

(Ⱪisⱪiqə qüxəndürüx)

Bu, Luⱪa bayan ⱪilƣan hux həwərning dawami bolup, uningda əlqilərning Muⱪəddəs Roⱨning küq-ⱪudriti wə yetəkqilikidə hux həwər tarⱪatⱪanliⱪi wə etiⱪadqilar jama’ətqilikining ⱪurulƣanliⱪi asasliⱪ ⱪilip hatiriləngən.

Bu kitabta Əysa Məsiⱨ ərxkə kɵtürülgəndin keyin əlqilərning hux həwər tarⱪitix yolidiki hizmətliri, hux həwərning Yəⱨudiyə wə Samariyə ɵlkiliridə wə yənə bir ⱪədəm ilgiriligən ⱨalda taki Rimƣiqə bolƣan Ottura dengiz rayoniƣa tarⱪilixi bayan ⱪilinƣan. Bu kitabtin xuni kɵrüwalalaymizki, hux həwər künsayin kəng tarⱪalƣan, xundaⱪla Əysa Məsiⱨkə bolƣan etiⱪad dəsləptə Yəⱨudiylar arisida barliⱪⱪa kəlgən bolup, keyin kɵpligən Yəⱨudiylarning inkar ⱪilixi ⱨəmdə nurƣunliƣan Yəⱨudiy əməslərning ⱪobul ⱪilixi bilən bara-bara dunyawi etiⱪadⱪa aylanƣan.

Tezis:

1. Dəsləpki etiⱪadqilar jama’ətqiliki (1-babtin 5-babⱪiqə)

2. Jama’ətqilikning kengiyixi wə ziyankəxliklərgə uqrixi (6-babtin 8-babⱪiqə)

3. Pawlusning etiⱪadqi boluxi wə hux həwər tarⱪitixi (9-bab 1-ayəttin 31-ayətkiqə)

4. Petrusning hux həwər tarⱪitix yolidiki ixliri (9-bab 32-ayəttin 12-bab 25-ayətkiqə)

5. Pawlusning birinqi ⱪetimliⱪ hizmət səpiri (13-, 14-bablar)

6. Əlqilər bilən yetəkqilərning Yerusalemdiki yiƣini (15-bab 1-ayəttin 35-ayətkiqə)

7. Pawlusning ikkinqi ⱪetimliⱪ hizmət səpiri (15-bab 36-ayəttin 18-bab 22-ayətkiqə)

8. Pawlusning üqinqi ⱪetimliⱪ hizmət səpiri (18-bab 23-ayəttin 21-bab 14-ayətkiqə)

9. Pawlusning Yerusalemƣa berixi wə ⱪolƣa elinixi (21-bab 15-ayəttin 26-babⱪiqə)

10. Pawlusning Rimƣa səpiri (27-, 28-bablar)